Если о Сатана тут змарэла, ту можэш тэ риспэ каринг о Иегова!

1. Соса о Сатана шолпэ по охотнико?

ЛЮБО охотнико камэл тэ астарэл лэ жывотнонэс или тэ умарэл лэс. И во када терэл по разному. Пала када дажэ пистромэ андэ Библия (Иов 18:8—10). Но сар о охотнико астарэл лэ жывотнонэс? Во шол сама со чалёл лэ жывотнонэсти, со во хал, кай ԥирэл, сар андярэл пэс. Точно кадяжэ терэл и о Сатана. Во драго розуӷанэн савэ амэ. Во шол сама, каринг амэ ԥирас, со амэ терас и со амэнди чалёл. Кадя во полэл, сар амэн тэ змарэл па лэ Иеговаско дром. Но андэ Библия пистромэ, кай дажэ если лэ Сатанастэ вижала тэ змарэл амэн, амэ всаек можэм тэ рисавас каринг о Иегова и дажэ можэм тэ стерас вся, кай тэ на подаспэ лэсти.

2. Через со о Сатана камэл тэ змарэл лэ манушэн па правильно дром?

² Бут бэрша о Сатана камэл тэ змарэл лэ манушэн па лэ Дэвлэско дром через и ӷордость и жадностьb. Во сар охотнико, саво камэл тэ астарэл лэ жывотнонэс (Пс. 91:3). Но када на сыкавэл, кай лэстэ точно вижала када тэ стерэл. Васо? Важ кода кай о Иегова росԥэнэн амэнди пала лэ Сатанастирэ ловушки, через савэ во камэл тэ змарэл амэн па правильно дром (2 Кор. 2:11).

3. Васо о Иегова позаботисайля, кай андэ Библия тэ авэл запистромэ пала ӷорди и жадни мануша?

³ О Иегова нэнавидит, кала и мануша ӷорди и жадни. И кай амэ када май драго тэ полас, во закамля, кай андэ Библия тэ авэл запистромэ пала мануша, савэ терэнас именно кадя. Андэ кадэя статья амэ уӷанаса, сар лэ Сатанастэ вижыля тэ змарэл па лэ Дэвлэско дром лэ манушэн, савэ ужэ най ек бэрш служынас лэ Иеговасти. Но сыкавэл када, кай и амэн о Сатана обязательно змарэла па лэ Иеговаско дром? Най. И важ када о Иегова позаботисайля, кай андэ Библия тэ авэл запистромэ пала мануша, савэ сас ӷорди и жадни, кай амэ тэ на стерас кадя, сар вонэ (1 Кор. 10:11). О Иегова патял, кай амэ поласа, сости во камэл амэн тэ сытярэл и на аваса ӷорди и жадни. Ай если дажэ кай о Сатана вижала амэн тэ змарэл, о Иегова патял, кай амэ сможэм тэ рисарас амари дружба лэса.

ӶОРДОСТЬ

4. Каринг со анэн и ӷордость?

⁴ О Сатана камэл, кай амэ тэ авас ӷорди. Во ӷанэн, кай если амэ аваса кацавэ сар во ӷорди, тоди амэ нэ сможэм тэ жувас вечно (Прит. 16:18). Кадяжэ о апостоло Павло пистросардя, кай лэ христианинос, саво ӷордо, о Дэл сындоя кадяжэ, сар и лэ Сатанас (1 Тим. 3:6, 7). И скати бэрша тэ на служый о мануш лэ Иеговасти лэсти всаек трэбуй тэ фэрийпэ, кай тэ на авэл ӷордо.

5. Сар можэт тэ дицол, кай о мануш ӷордо, сар ԥэнэнпэ андэ Экклезиаст 7:16, 20?

⁵ Кала о мануш ӷордо, када сыкавэл, кай во гиндой кати пала пэстэ. Кацаво мануш на гиндой, со камэл о Иегова. И када камэл о Сатана. Када особенно дицол, кала андэ жызня исин ԥаримос. Например, тут варико нэсправедливо дошалярдя или обжыляпэ найдраго. Тоди со ту терэса? О Сатана авэла фартэ лошало, если ту лэса андо ԥаримос тэ дошалярэс лэ Иеговас или лэ ԥралэн и лэ ԥэян андэ собрания. Во камэл, кай ту тэ лэс вся андэ пэстирэ вас и тэ ришыс екжэно пэстирэ проблемы, ай най тэ терэс кадя, сар о Иегова ԥэнэн тути через и Библия. (Адиносар Экклезиаст 7:16, 20.)

6. Сости амэ сытювас анда кода, со росԥэндя и ԥэй?

⁶ Ек ԥэй анда Нидерланды фартэ вся прилэлас пашэ каринг оди, кала и мануша андэ собрания терэнас варисо най кадя. Еқвар вой дажэ ԥэндя, кай латэ нинай зор тэ тэрпий када. Вой дажэ мангля пэстирэ хулас тэ пэрэжан андэ авэр собрания. Но потом вой диқля о Бродкастинго пала марто 2016 бэрш, и во лати фартэ поможысардя. Вой поля, кай лати трэбуй спэрва тэ диқэл пала пэстэ, ай най пала кода, сар андярэн пэс авэр. И советоря анда кадэва Бродкастинго поможысардэ лати спэрва тэ гиндой пала Иегова и пала лэстири правления. Сости амэ можэм анда када тэ сытювас? Если амэнди ԥарэс варикаса тэ поладисарас, амэ трэбуй тэ мангас помощь кай о Иегова, кай тэ диқас пэ ԥрала и пэ ԥэя кадя, сар во диқэл пэр лэндэ. Амаро небесно Дад о Иегова вся диқэл, и кала и мануша терэн най кадя варисо. Но во всаек простий лэн и камэл кай амэ тэ терас кадяжэ сар во (1 Иоан. 4:20).

7. Со сас лэ царёса Озия?

⁷ Спэрва о царё Озия сас лашо правителё, во драго андярэлас и война, драго строияс, драго диқэлас пала хабэ. И андэ Библия ԥэнэнпэ, кай о Дэл сас лэса, важ када лэстэ вся вижалас (2 Лет. 26:3—7, 10). Но андэ Библия кадяжэ ԥэнэнпэ, кай кала лэстэ ашэля бари власть, во ля тэ гиндой пала пэстэ фартэ бут. Через када во хасардя вся. О царё Озия ашэля ӷордо, и важ када во на закамля тэ прилэл о совето, ай стердя па пэстирятэ. Во парашэля тэ кандэл лэ Иеговас. Во зажыля андо храмо, кай по жэртвеннико тэ ԥабарэл и смесь, сави драго қандэл. Ай па лэ Дэвлэско законо, када терэнас кати и рашая. Важ када кай во пэс кадя ӷордо андярдя, о Иегова просытярдя лэс, и во ашэля прокажонно (2 Лет. 26:16—21).

8. Сар и алава анда 1 Коринфянам 4:6, 7 поможына амэнди тэ на ашас ӷорди?

⁸ Ай можэт варико андар мэндэ тэ ашэл кацаво жэ ӷордо, сар и о царё Озия? Уӷанаса пала ек ԥрал. Лэстэ сас лащи бути, во сас лашо старейшына андэ собрания, и пэр лэс стонас бари патив и ԥрала и ԥэя. Во ԥэнэнас речи пэ канӷрэсоря, и дажэ и раёни надзирателя пушэнас лэстар советоря. Во ԥэнэн, кай ля тэ надеийпэ кати пэр пэстэ, ай пала Иегова совсем бистэрдя. Лэсти здэласпэ, кай во састэс тердёл пэ Дэвлэско дром, и лэс нисо на змарэла. Важ када во парашэля тэ приашундёлпэ, каринг лэ Иеговастирэ советоря. Во стердя баро бэзэх и лэс исключисардэ. Но дэсавэ бэрша палпалэ во рисайля андэ собрания. Во поля, кай важ о мануш само важно андэ жызня, када тэ кандэл лэ Иеговас. Ай най тэ авэл ашунгло или кала лэстэ исин почотно дила андэ собрания. На трэбуй тэ бистрас, кай если амэ драго ӷанас тэ терас варисави дила или кала амэндэ исин почотно дила андэ собрания, када вся блаӷодаря лэ Иеговасти. (Адиносар 1 Коринфянам 4:6, 7.) И если о мануш ашэла ӷордо, тоди о Иегова на дэла лэсти тэ терэл почотно дила андэ собрания.

ЖАДНОСТЬ

9. Каринг со андя лэ Сатанастири и ла Еватири жадность?

⁹ Кала ашунас о алав «жадность», амэ сгиндосарас пала Сатана. Кала во инке сас по нэбо, лэстэ можэт сас бут дила, сави лэсти дэлас о Иегова. Но лэсти када на хутилэлас. Во закамля, кай и мануша тэ тэлён лэсти. Во закамля кода, со лэсти на прижалас. О Сатана камэл, кай и амэ тэ авас, кацавэ сар во. Во терэл кадя, кай и мануша тэ гиндон, кай вся, со лэндэ исин када вся мало. Кадя во обхохадя ла Ева. О Иегова лэ Адамос и ла Ева стодя андо шукарно райкано садо, кай вся сас. Вонэ моӷли тэ хан па всаворэ витки, скати камэн (Быт. 2:16). Но о Сатана вистодя вся кадя, кай ла Евати трэбуй тэ хал именно па кадэя витка, кай тэ авэл па чачимастэ бахтали. Тоди и Ева погиндосардя, кай лати важ и бах чаче варисо на хутилэл. И вой закамля тэ стерэл кода, со ԥэндя лати о Сатана. Вой стердя баро бэзэх и важ када муля (Быт. 3:6, 19).

10. Сар о Сатана змардя лэ Давидос па правильно дром?

¹⁰ Еқвар пэстири жадность сыкадя о царё Давид. О Иегова бут со важ лэстэ стердя. Дя лэсти барвалимос и стердя, кай во тэ авэл ашунгло. О Иегова поможыяс лэсти тэ вицэлэл най андэ ек война. О Давид сас блаӷодарно лэ Иеговасти важ всаворэ блаӷословении. Во дажэ пала лэндэ ԥэндя кадя: «Нащи пэрэадиносарав кода, сар дэ бут лэн» (Пс. 40:5). Но еқвар о Давид бистэрдя пала вся, со стердя важ лэстэ о Иегова, и во закамля варисо май бут. Хоть лэстэ сас най ек хулаи, во всаек закамля чужона хулая ла Вирсавия. Во пэля ласа и вой заԥирдя лэстар. Но инке во стердя кадя, кай латирэ хулас тэ умарэн пэ война! (2 Сам. 11:2—15). Хоть о Давид на парашэлас тэ служый лэ Иеговасти, во всаек сыкадя пэстири жадность и стердя баро бэзэх. Сар кацаво мануш, сар о Давид, саво андэ вся ди кандэлас лэ Дэвлэс, моӷ кадя тэ стерэл? Но драго, кай о Давид поля пэстири ошыбка и каисайля. Во сас фартэ блаӷодарно, кай о Иегова лэс простисардя (2 Сам. 12:7—13).

11. Со, сар ԥэнэнпэ андэ Эфесянам 5:3, 4, поможыя амэнди тэ на авас жадни?

¹¹ Сости амэ сытювас анда кода, со сас кай о Давид? Если амэ аваса блаӷодарни лэ Иеговасти пала вся, со во важ амэндэ стердя, тоди амэ на аваса жадни. (Адиносар Эфесянам 5:3, 4.) Амэнди трэбуй тэ цэнисарас, со амэндэ исин. Инке амэ поможысарас лэ манушэнди, савэ изучают и Библия, кай вонэ тэ гиндон, сави блаӷословения лэ Иеговастар лэндэ исин кажно дес и тэ авэн пала када блаӷодарни лэсти. И если вонэ лэна кадя тэ терэн, тоди лэндэ авэла пала со кажно дес тэ дэн дума лэ Иеговаса (1 Фес. 5:18). Ай тутэ исин привычка тэ блаӷодарис лэ Иеговас? Если ту лэса тэ гиндос, со важ тутэ лично терэл о Иегова, када поможыя тути тэ авэс блаӷодарно. Ай если ту авэса блаӷодарно, тоди ту цэниса кода, со тутэ исин. Ай кала ту цэниса кода, со тутэ исин, тоди ту на авэса жадно.

12. Каринг со андя и жадность, сави сас кай о Иуда Искариот?

¹² Через и жадность о Иуда Искариот ашэля здимари и придя лэ Иисусос. Спэрва во на сас вэрыто мануш. О Иисусо дажэ витидя лэс, кай во тэ авэл апостоло (Луки 6:13, 16). Дицол, кай о Иуда ӷанэнас драго тэ терэл и дила, и пэр лэстэ можно сас тэ надеиспэ. Важ када о Иисусо дя лэсти тэ диқэл пала ящико, андэ саво шонас и ловэ важ и служэния. Адес пэ кадэла ловэ амэ ԥэндоп, кай када ловэ, савэ шон важ и дила андэ лэ Иеговастири арӷанизацыя па вся и ԥув. Но о Иуда ля по набут тэ чорэл ловэ анда кадэва ящико, хоть о Иисусо най еқвар ԥэнэнас пэ скати дэ опасно тэ авэл о мануш жадно (Мар. 7:22, 23; Луки 11:39; 12:15). О Иуда на камля тэ прилэл кадэла алава каринг пэстэ.

13. Кала фартэ дицэля и жадность, сави сас кай о Иуда?

¹³ Кай о Иуда Искариот ашэля жадно, драго дицэля, кала о Иисусо инке сас пэ ԥув. О Иисусо пэстирэ учениконэнца бэшэлас кай о Симоно, саво сас варикала прокажонно. Кадяжэ котэ сас и Мария и Марфа. Андэ кодэва вэчэро и Мария ля о вулей, саво драго қандэлас, и ля лэс тэ шол лэ Иисусости по шэро. Кала када додиқлэ о Иуда и авэр апостолоря, вонэ росхоляйлэ. Вонэ гиндонас, кай авелоп фэдэр кадэва вулей тэ битинэн, ай и ловэ тэ роздэн лэ чорорэнди. Но о Иуда гиндояс па аврятэ. Во сас чордэӷари и камэлас тэ чорэл кадэла ловэ. Прожыля время и о Иуда дажэ придя лэ Иисусос пала трицать рупунэ монеты, савэ тоди дэнас пала рабо (Матф. 26:6—16; Луки 22:3—6; Иоан. 12:2—6).

14. Сар ек ери приля о совето анда Луки 16:13?

¹⁴ О Иисусо ԥэндя: «Тумэ нэ можэте тэ тэлён и лэ Дэвлэсти и лэ барвалимасти». (Адиносар Луки 16:13.) И адес кадяжэ. Кай ек ери, саво жувэлас андэ Румыния, сас баро вужылимос андо банко. Лэнди ԥэндэ, кай вонэ моӷут тэ терэн лащи бути, пэ сави драго потинэн. Но кати важ када лэнди трэбуй сас тэ пэрэладэн андэ авэр страна. Спэрва вонэ погиндосардэ, кай када о Дэл ашундя лэндирэ молитвы. Но лэнди када кати здэласпэ. Па чачимастэ вонэ через кадэя бути потом линоп тэ промэкэн и семейно изучения, и собрания и авэр дила важ о Дэл. Тэ прилэн правильно ришэния лэнди поможысардя и статья анда Сторожэво башня пала 15 авӷусто 2008 бэрш «Мэк вся тиро ди авэла лэ Иеговаса». Вонэ ԥэнэн, кай если вонэ тэ пэрэлаглоп андэ авэр страна, кай тэ затерэн май бут ловэ, кадя вонэ сыкадоп, кай о Иегова лэндэ най по пэрво ҭан. И тоди лэндири дружба лэ Иеговас на авелоп кацави дэ лащи. Важ када вонэ отԥэнделэ кадэла бутятар. Посли када о хулай виарақля лащи бути, пэ сави драго потинэнас андэ кадэя жэ страна, кай вонэ и жувэнас. И хулаи ԥэнэн, кай о Иегова всегда можэт тэ поможый пэстирэ служытелёнэнди. Вонэ фартэ лошалэ, кай на домэклэ, кай и ловэ тэ авэн лэндэ по пэрво ҭан.

ТЕР ВСЯ, КАЙ О САТАНА ТЭ НА ЗМАРЭЛ ТУТ ПА ЛЭ ИЕГОВАСКО ДРОМ

15. Васо амэ патяс, кай амэ можэм тэ рисарас амари дружба лэ Иеговаса, дажэ если о Сатана змардя амэн па лэ Дэвлэско дром?

¹⁵ Ай со если амэ всаек ашэлям ӷорди или жадни? Амэ сможэм тэ парудювас! И пала када пистросардясас о апостоло Павло (2 Тим. 2:26). Кадя сас и лэ Давидоса. Кала о Нафано ԥэндя лэ Давидости, кай во стердя бэзэх, о Давид каисайля и стердя вся, кай лэстири дружба лэ Иеговаса упалэ тэ авэл лащи. Амэ тумэнца трэбуй тэ на бистрас, кай о Иегова май зорало, чем о Сатана. И если амэ мангас помощь кай о Иегова, тоди амэ сможэм тэ парудювас и тэ рисарас амари дружба лэ Иеговаса, дажэ если о Сатана змардя амэн па лэ Дэвлэско дром.

16. Со поможыя амэнди, кай о Сатана тэ на змарэл амэн па лэ Иеговаско дром?

¹⁶ Авелоп фэдэр совсем тэ на домэкэс, кай о Сатана тэ змарэл тут па лэ Иеговаско дром. Но тутэ вижала када кати лэ Иеговастирэ зорэса. Ту можэт гиндос, кай никала на ашэса ӷордо чи жадно. Но кадя тэ гиндос фартэ опасно. Кацаво сас дажэ кодэлэ манушэнца, савэ бут бэрша служынас лэ Иеговасти. Важ када тути трэбуй кажно дес тэ мангэс лэ Иеговас, кай во тэ поможый тути тэ полэс, исин тутэ кацавэ гиндоря? Ля тэ дицол па кода, сар ту пэс андярэс, кай ту хоть набут ашэлян ӷордо чи жадно? (Пс. 139:23, 24). Пристов вся пэско зор, кай ту тэ на авэс кацаво!

17. Со ӥто авэла амарэ вороӷоса лэ Сатанаса?

¹⁷ Бут бэрша о Сатана камэл лэ Дэвлэстирэ служытелёнэн тэ змарэл па правильно дром, но ӥто о Иегова умарэла лэс (Отк. 20:1—3, 10). Сар жэ амэ аштярас кадэва дес! Ай пока на авеля кадэя время, на ласа тэ бистрас, кай важно тэ на домэкас, кода кай тэ ашас ӷорди и жадни, сар када камэл о Сатана. Ласа тэ терас вся, кай тэ тердювас против о Сатана и тоди во нашэлатар амэндар (Иак. 4:7).