Psalmii

3 Sea mânro corpo silo nasfalo anda chi holi. Ande mânre cocala ci si pacea anda codoia că păcătuisardem. 4 Tha, le buchia nasul cai cărdem-len vazden-pe opral mânro șăro; sile iech baro pharimos, sile prea phare anda mande. 5 Mânre phugnea cărnion hai chanden zurales anda codoia că somas dilo. 6 Som hasardo hai zurales perado, sea o ghies phirav duchado. 7 Ande mande thabol iech iag; sea mânro corpo silo nasfalo. 8 Ci daștiv te mișchiv man hai som phagărdo cu sea; i duch anda mânro ilo, cherel man te dav cingar zurales.