Faptele
23 O Pavel dichlea orta caring codola anda Sanhedrino hai phendea: „Murșale, phralale, me phiradem-ma angla o Del iecha cunoștiințaia uji ji ande codo ghies”. 2 Atunci o baro rașai Anania porunicisardea codolenghe cai beșenas pașa leste te den-les iech pe lesco mui. 3 Pala codoia o Pavel phendea lesche: „Va dela-tu dab o Del, perete văruime! Tu beșes hai judechis-ma pala i Legea hai, ande sa codo timpo, uștares i Legea cana poruncis te avav mardo?”. 4 Codola cai sas-le pașa leste phende: „Prasas le bare rașaies le Devlesco?”. 5 O Pavel phendea: „Phralale, ci jianglem că vo si o baro rașai. Că si scriime: «Te na des duma nasul anda codo cai conducil chio poporo!»”. 14 Cadal murșa găle le bare rașaiende hai le phurende hai phende lenghe: „Amen solahardeam ciaces că ci va avela te has chanci ji cana ci mudaras le Pavelos.