Daniel
16 Cadea că, o Daniel gălea co rege hai manglea-les te del-les timpo caște cherel lesche prinjiando o suno. 18 Vo phendea lenghe te manghen lașimos catar o Del le cerurengo ande soste priveal cado secreto, ca o Daniel hai lesche amala te na aven mudarde ande iech than le coaver goghiaverența anda Babilono. 21 Vo paruvel le timpuri hai le perioade, del tele regi hai șiol regi, del goghiaverimos codolenghe goghiaver hai prinjianimos codolenghe cai silen discernământo. 28 Tha si iech Del andel ceruri cai sicavel le secretea; vo cărdea prinjiando le regesche Nebucadnețar so va avela co sfârșito le ghiesengo. Cado si chio suno hai so dichlean ando timpo so beșlean ande chio pato: 31 Tu, o, rege, dichlean iech bari statuia! I statuia sas zurales bari hai strălucilas zurales; beșelas angla tute hai zurales daraimaschi sas. 32 O șăro la statuiaco sas anda sumnacai ujo, o colin hai le vasta sas-le anda rup, o mașcar hai le becea sas-le anda harcum, 33 le pânre sas anda sastrî, hai le naia le pânrenghe sas iech partea anda sastrî hai iech partea anda phuv. 34 Ando timpo so dicheias, sas lino iech bar, tha na le vastendar le manușenghe, hai vo dea dab i statuia andel naia le pânrenghe, cai sas-le anda sastr hai phuv, hai nichiardea-le. 35 Atunci o sastr, i phuv, i harcum, o rup hai o sumnacai, sea ande iech than, sas-le nichiarde hai arăsle sar i pleava cai vazdel-pe ando milai pa o plai cai maren-pe le cerealea. Hai lea-le i barval hai ci mai așilea chanci anda lende. Tha o bar cai mardea tele i statuia cărdilea iech baro plain hai pherdea sea i phuv. 41 Hai cadea sar dichlean că le pânre hai le naia sas-le iech partea anda phuv hai iech partea anda sastr, sa cadea o regato va avela hulado; tha va avela-les vareso anda o zuralimos le sastresco, anda codoia că dichlean o sastrî hamisardo phuveaia covli. 42 Cadea sar le naia catar le pânre sas-le pe iech partea anda sastr hai pe iech partea anda phuv, sa cadea o regato va avela pe iech partea zuralo hai pe iech partea covlo. 43 Cadea sar dichlean că o sastr sas-lo hamime phuveaia covli, sa cadea vi von va avena hamime le manușența; tha ci va astarena-pe iech averestar, cadea sar o sastrî ci astarel-pe catar i phuv. 44 Hai, ande le ghiesa cadal thagarengo, o Del le cerosco va vazdela iech Regato cai ci va avela distrugime niciechdata. Cado Regato ci va nachela tela o zuralimos avere poporosche. Vo va nichearela sea cadala regatea hai va chosela-le cu sea, hai vo corcoro va așela anda sea o timpo, 45 cadea sar dichlean că anda o plain lea-pe iech bar, tha na le vastendar le manușenghe, hai că vo nichiardea o sastr, i harcum, i phuv, o rup hai o sumnacai. O Del o Baro cărdea prinjiando le regesche so va avela ando viitorii. O suno silo ciacio, hai leschi interpretarea demno pachiamaschi”.