2 Samuel

25 Cana avilea co Ierusalimo angla o rege, o rege phendea lesche: „Sostar ci avilean manța, Mefiboșet?”. 26 Atunci vo phendea: „Mânro rai hai mânro rege, mânro slujitoro athadea-ma. Chio slujitorii phendea: «Șion manghe i șaua po măgarii caște ușteav pe leste hai te jiav le regeia», anda codoia că chio slujitorii silo bango. 27 Tha vo phendea hohaimata anda chio slujitorii angla mânro rai o rege. Tha mânro rai hai mânro rege silo iar iech îngero le ciace Devlesco. Cher so si mișto angla che iacha. 28 Sea o chăr mânre dadesche daștilas te avel mudardo catar mânro rai, o rege. Cu sea cadala, tu șiutean chire slujitores mașcar codola cai han ca chi meseli. Cadea că, so drepto si man te mangav vareso le regestar?”. 30 Atunci o Mefiboșet phendea le regesche: „Te lel vo sea, că acana mânro rai o rege risardea-pe chăre andi pacea”.