Faptele
34 Atunci o Petru dea duma hai phendea: „Ciaces, acana hachiarav că o Del ci dichel ieche manușes mai lașio sar le coaveres 35 hai că, ande orisavi națiunea, o manuș cai daral lestar hai cherel so si orta silo primime lestar. 38 anda o Isus, cai sas anda o Nazaret, sar o Del machlea-les spiritoia sfânto hai zuralimaia, sar phirdea vo ando them hai cărdea so sas mișto hai sastiardea sea codolen duchade catar o Beng, anda codoia că o Del sas-lo leia. 42 Sa cadea, vo poruncisardea amenghe te predichisaras le poporosche hai te șioas iech lași mărturia că vo si codo alosardo le Devlestar te avel judecătoro codolenghe jiuvinde hai codolenghe mule. 43 Anda leste den duma sea le profeții hai phenen că oricon pachial ande leste va avena iertime lesche păcatea prin lesco anav”. 44 Ando timpo so o Petru încă delas duma anda cadal buchia, o spirito sfânto avilea opral sea codola cai așunenas o cuvânto. 45 Le manușa pachiavale cai sas-le circumciși, cai avile le Petroia așile uimime cana dichle că o spirito sfânto sas-lo șiordo vi opral le manușa andal națiuni.