Ioan
14 „Te na daral tumaro ilo. Sicaven pachiamos ando Del, sicaven pachiamos vi ande mande. 2 Ande mânre Dadesco chăr si but thana cai te beșen. Te na avelas cadea, phendemas tumenghe. Tha acana jiav te lașiarav tumenghe iech than. 3 Hai, pala so jiav hai lașiarav tumenghe iech than, avav pale hai va avela te primisarav tumen mande chăre, anda codoia că code cai som me te aven vi tumen. 6 O Isus phendea lesche: „Me som i rig, o ciacimos hai i viața. Chonic ci avel le Dadeste decât prin mande. 8 o Filip phendea lesche: „Raia, sicav amenghe le Dades hai arăsăl amenghe”. 9 O Isus phendea lesche: „Cadea de but timpo som tumența hai cu sea cadala, Filip, ci arăslean te prinjianes-ma? Con dichlea-ma man dichlea vi le Dades. Sar daștis te phenes: «Sicav amenghe le Dades»? 12 Phenav tumenghe ciaces: Con pachial ande mande va cherela le buchia cai cherav-len me. Hai va cherela buchia vi mai bare sar cadala, anda codoia că me jiav co Dad. 13 Sa cadea, oriso va manghena ande mânro anav, va avela te cherav, ca o Dad te avel glorifichime prin o Șiav. 14 Dacă va manghena vareso ande mânro anav, va avela te cherav. 15 Dacă iubin man, va avela te cheren so phenav tumenghe me. 21 Cas siles mânre porunci hai încărel-len, codo iubil man. Hai codo cai iubil man, vi mânro Dad va iubila-les; hai vi me va avela te iubiv-les hai va avela te sicavav man lesche claro. 23 O Isus phendea lesche: „Dacă varecon iubil man, va sicavela pachiv caring mânri duma, hai mânro Dad va iubila-les, hai amen va avela te jias leste hai va beșasa lesa. 26 Tha o ajutorii, o spirito sfânto, cai o Dad va bișalela-les ande mânro anav, va sicavela tumen sea le buchia hai va anela tumenghe andi goghi sea so phendem tumenghe. 27 Mechav tumenghe i pacea; dav tumen mânri pacea. Ci dav-la tumenghe sar del-la i lumea. Te na îngrijoril-pe tumaro ilo hai nici te na chidel-pe daratar. 28 Așundean că phendem tumenghe: «Tiliarav hai va avela te risarav-ma parpale tumende». Dacă iubisarenas-ma, tumaro ilo avelas te bariol că jiav co Dad, anda codoia că o Dad si mai baro sar me. 30 Ci va mai avela te dav duma but tumența, pentru că avel o conducătorii la lumeaco; cu sea cadala, les nai-les niciech zuralimos pe mande. 31 Tha ca i lumea te jianel că me iubiv le Dades, cherav cadea sar phendea manghe o Dad te cherav. Ușten, te tilearas cathar.