Iacov
3 Hai cana manghen, ci primin, anda codoia că manghen ieche ileia nasul: caște cheren tumare camnimata le masesche. 4 Manușa adulteri, ci jianen că o amalimos la lumeaia si dușmănia le Devleia? Cadea că, con camel te avel amal la lumeaia cărdiol-pe dușmano le Devleia. 6 Cu sea cadala, o lașimos nemeritime cai del-les Vo silo mai baro. Anda codoia, le Scripturi phenen: „O Del așel contra codolenghe baricane, tha del lașimos nemeritime codolenghe umili”. 7 Cadea că, mechen tumen tela o vast le Devlesco, tha așen contra le Benghesche, hai vo va nașela tumendar. 8 Pașion le Devlestar, hai vo va pașiola tumendar! Halaven tumare vasta, tumen cai san păcătoși, hai ujaren tumare ile, tumen cai ci jianen so camen! 13 Așunen acana, tumen cai phenen: „Aghies sau tehara va avela te jias ande cado foro, va avela te beșas code iech bărș, va avela te cheras afaceri hai va avena-ame but love”, 14 cana tumen ci jianen so va avela tumența tehara. Anda codoia că tumen san iech aburo, cai dichiol-pe anda țâra timpo hai pala codoia hasardiol.