Iov
7 Cana gălemas co udar le forosco hai șiutem man ca mânro than andi piața publico, 8 le tărne dichenas-man hai garavenas-pe, chiar vi codola mai phure vazdenas-pe opre hai beșenas andel pânrănde. 9 Le prinți ci denas duma hai șionas pengo vast ca pengo mui. 10 Na mai denas duma nici le bare manușa, nici măcar iech duma na mai înclelas ande lengo mui. 11 Oricon așunelas man delas duma șucar anda mande hai codola cai dichenas man denas duma anda mânro miștimos. 12 Anda codoia că hastradem le ciores cai delas cingar pala o ajutorii, codoles cai nai-les dad hai codoles cai sas corcoro. 13 Codo cai țârdelas te merel binecuvântilas man, cărdem ca o ilo la phivleaco te bucuril-pe. 14 Somas hureardo ando ortomos, sar cana mânri ciaci cris avelas sar iech hureaimos hai iech turbano. 24 Cana sicadem lenghe iech zâmbeto, ci avilea lenghe te pachian hai o udud pa mânro mui dea-len liniștea.