Ioan
3 Mașcar le farisei sas iech manuș cai bușiolas Nicodim, iech conducătoro le iudeiengo. 2 Cado avilea co Isus andi riat hai phendea lesche: „Rabi, jianas că avilean le Devlestar sar sicaitorii, anda codoia că chonic ci daștil te cherel le miracolea cai cheres-le tu dacă o Del ci silo lesa”. 5 O Isus phendea lesche parpale: „Ciaces phenav tuche: Dacă choniva ci năștil-pe anda o pai hai anda o spirito, ci daștil te jial andre ando Regato le Devlesco. 6 So năștisailo anda mas si mas hai so năștisailo anda spirito si spirito. 7 Na mirin-tu că phendem tuche: Trebul te năștin tumen pale. 8 I barval phurdel cai camel hai așunes laco zuralo suneto, tha ci jianes catar avel hai cai jial. Cadea si orisavea cai năștisailo anda spirito”. 14 Hai, cadea sar o Moise vazdea le sapes ando șuco than, sa cadea trebul te avel vazdino vi o Șiavo le manușesco, 15 anda codoia că oricon pachial ande leste te trail anda sea o timpo. 16 Cadea de but iubisardea o Del la lumea, că dea pesche Șiaves o corcoro cărdo lestar, ca oricon sicavel pachiamos ande leste te na merel, tha te avel-les viața veșnico. 36 Con sicavel pachiamos ando Șiavo siles viața veșnico. Con ci așunel le Șiavestar ci va dichela i viața, tha i holi le Devleschi așel pe leste.