Isaia

35 O pustio hai o than bi paiesco va avena pherde bucuria, hai o câmpo șuco va avela voime hai va lulughiola sar o șofrano. 2 Da, va lulughiola, va avela voime hai va dela cingar bucuriatar. Va dela-pe lesche i gloria ca sas-li ando Libano, o șucarimos cai sas-le ando Carmelo hai Sarono. Le manușa va dichena i gloria le Iehovaschi, o șucarimos amare Devlesche. 5 Atunci le corenghe iacha hai le cașuchenghe cana va pâtărdona-pe. 6 Atunci o bango va hutela sar iech cerbo hai i șib codoleschi cai ci del duma va așundiola-pe zurales bucuriatar. Că anda i șuchi phuv va hutena avri paia, hai po câmpo cai ci del rodo, lena. 8 Code va avela iech baro drom, da, iech drom cai bușiol o Drom Sfânto. Codo neujo ci va phirela pe leste. Numai codo daștil te phirel pe cado drom casche si mechlo, hai niciech dilo ci va arăsăla pe leste.