Matei

17 Cana jialas opre co Ierusalimo, o Isus lea pesche 12 discipolen rigate hai phendea lenghe po drom: 24 Cana le coaver deș așunde anda cadaia, von holiarde-pe zurales pe le dui phrala. 25 Tha o Isus achardea savoren peste hai phendea lenghe: „Cadea sar jianen, le conducători le națiunenghe rain opral lende hai codola o mai bare sicaven penghi autoritatea opral lende. 26 Mașcar tumende ci trebul te avel cadea, tha oricon camel te avel baro mașcar tumende trebul te avel tumaro slujitoro 27 hai oricon camel te avel o dintuno mașcar tumende trebul te avel tumaro sclavo. 28 Nici o Șiav le manușesco ci avilo caște slujil-pe lesche, tha te slujil hai te del peschi viața caște chinel parpale anda o păcato bute manușen”. 30 Dui core cai beșenas pașa o drom așunde că o Isus nachelas othar hai dine cingar: „Raia, o Șiav le Davidosco, sicav amenghe mila!”. 31 Tha le but manușa astarde te len-pe lendar hai phende lenghe te așen anda o mui. Tha von dine cingar vi mai zurales: „Raia, o Șiav le Davidosco, sicav amenghe mila!”. 32 Atunci o Isus așilea po than, achardea-len peste hai phendea lenghe: „So camen te cherav anda tumende?”. 33 Von phende lesche: „Raia, te pâtren-pe amare iacha!”. 34 Anda codoia că cărdilea lesche mila lendar, o Isus șiutea o vast pe lenghe iacha hai pe thaneste von dichle pale; hai astarde te jian pala leste.