1 Corinteni
2 Chiar cana ci som apostolo anda aver, siguro som anda tumende! Că tumen san o sigilio cai sicavel ciaces mânro apostolato ando Rai. 12 Dacă averen silen cado zuralimos opral tumende, ci si vi mai but amen? Cu sea cadala, amen ci folosisardeam cado zuralimos, tha țârdas sea cadal buchia caște na cheras tumen te na pachian i vestea lași anda o Cristos. 15 Tha me ci camlem te țârdav niciech miștimos anda cadal buchia. Mai but, ci scriisardem cadal buchia caște cherel-pe cadea manghe, mai mișto avelas te merav sar te ... Chonic ci va lela mandar cado așarimos! 16 Dacă phenav i vestea lași, ci însemnol că si man sostar te așarav man, anda codoia că trebul te cherav cadaia. Si ciaces, vai mandar dacă ci phenav i vestea lași! 17 Dacă cherav cadai buchi anda codoia că me camav, si man iech pochinimos; tha chiar cana cherav-la bi te țârdel man o ilo, sa așel iech buchi cai sas manghe dini andel vasta. 18 Cadea că, savo si mânro pochinimos? Că cana phenav i vestea lași, daștiv te dav-la bi lovengo, caște na folosisarav nasul i buchi cai sas manghe dini, te dav duma anda i vestea lași. 19 Chiar cana som iech manuș libero, cărdilem o sclavo savorengo, caște anav co ciacimos sea mai bute manușen. 20 Anda le iudei cărdilem sar iech iudeo, caște anav co ciacimos le iudeien; anda codola cai sile tela i legea cărdilem sar cana somas tela i legea vi cana me ci som tela i legea, caște anav co ciacimos codolen cai sile tela i legea. 21 Anda codola cai nai-le legea cărdilem sar cana nai-ma legea, chiar cana, angla o Del, me ci som bi legeaco, tha som tela i legea le Cristososchi, caște anav co ciacimos codolen cai nai-le legea. 22 Anda codola covle cărdilem covlo, caște anav co ciacimos codolen covle. Cărdilem oriso andal manușa de orisavo felo, caște cherav sea o posibilo te hastravav iechen. 23 Tha cherav sea le buchia anda i vestea lași, caște phenav-la vi averenghe. 24 Ci jianen că codola cai nașen ande iech cursa nașen savore, tha o pochinimos silo dino numai iechesche? Nașen cadea caște câștighin-les. 25 Sea codola cai len partea ca iech competiția sicaven că jianen te încăren-pe parpale ande sea le buchia. Von cheren cadaia caște primin iech coroana cai rimosarel-pe, tha amen cheras cadaia caște primisaras iech cai ci rimosarel-pe. 26 Cadea că, me ci nașav bi te jianav cai hai ci dav dab andi barval, 27 tha marav mânro corpo dumuchența hai îngărav-les sar iech sclavo, ca na varesar, pala so predichisardem averenghe, te arăsav chiar me nasul andel iacha Ie Devlesche.