2 Petru
3 Mai anglal de sea, te jianen că andel palutne ghiesa va avena manușa cai prasan tumen, hai va phiravena-pe pala penghe camnimata nasul 4 hai va phenena: „Cai si leschi promitime prezența? Că anda o ghies de cana amare phure mule, sea le buchia așile sa cadea sar sas-le de cana cărdilea i lumea”. 7 Tha, prin sa codol dumes, le ceruri hai i phuv de acana sile șiute de iech rig anda i iag, hai încărde ji ando ghies andai judecata hai anda o merimos le manușengo bidevlesco. 8 Tha te na bâstrăn cadai buchi, mânre cuci phrala, că anda o Iehova, iech ghies si sar iech mia bărșa hai iech mia bărșa si sar iech ghies. 9 O Iehova ci cherel prea locăs so phendea că va cherela, cadea sar pachian chichiva, tha silo răbdătorii tumența, anda codoia că ci camel ca vroiech te merel, tha camel ca savore te arăsăn te risaren-pe catar pengo phiraimos nasul. 10 Tha, o ghies le Iehovasco va avela sar iech cior. Atunci le ceruri va nachena prin iech baro bașimos, hai le elementea, anda codoia că sile cadea de thabarde, va avena bilade, hai i phuv hai le buchia pa late va dichiona-pe 11 Anda codoia că sea cadal buchia va avena chosle cadea, den tumari zor te aven manușa savengo phiraimos si sfânto hai cheren buchia cai sicaven că slujin anda sea o ilo le Devlesche, 12 ando timpo so ajucăren hai încăren jiuvindo ande tumari goghi o ghies le Iehovasco! Ande codo ghies, le ceruri va avena distrugime andi iag hai le elementea va bilaghiona catar o baro tachimos. 13 Tha, cadea sar promitisardea vo, amen ajucăras ceruri neve hai iech phuv nevi, hai ande lende va beșela o ortomos. 14 Anda codoia, mânre cuci phrala, că ajucăren cadal buchia, cheren sea so daștin ca ji la urmă te aven arachle lestar uje, bidoșale hai andi pacea. 15 Sa cadea, dichen i răbdarea amare Raieschi sar salvarea, cadea sar scriisardea vi amaro cuci phral o Pavel, pala o goghiaverimos cai sas lesche dino. 16 Mai but, vo phendea tumenghe anda cadal buchia ande sea lesche lila. Tha, ande cadala si buchia phare hachiarimasco, cai codola nesicade hai cai ci așen pengo than banghiaren-le cadea sar cheren sea le Scripturența, caring lengo merimos.