1 Tesaloniceni

2 anda codoia că tumen jianen zurales mișto că o ghies le Iehovasco avel sar iech cior andi riat. 3 Cana va phenena: „Pacea hai securitatea!”, atunci iech distrugerea neajucărdi va avela sigo opral lende, sar le ducha iecha jiuvleache phari, hai nicisar ci va avela te hastran. 4 Tha tumen, phralale, ci sam ando tunerico, ca codo ghies te astarel tumen bi te ajucăren tumen cadea sar o udud le ghiesesco astarel codolen cai cioren, 6 Cadea că, te na sovas, sar cheren aver, tha te așias uștiade hai te avel amen iech gândimos sastevesto. 7 Anda codoia că codola cai soven, soven pi riat hai codola cai machion sile mate pi riat. 8 Tha amen, cai sam le ghiesesche, te așias uștiade hai te las pe amende i platoșa le pachiamaschi hai la iubireachi, hai te avel amen sar coifo i speranța anda i salvarea, 11 Cadea că, zuriaren tumen vi mai dur iech averes hai vazden tumen iech averes, cadea sar cheren ciaces. 12 Acana, phralale, mangas tumen te dichen lașe iachența codolen cai cheren phares buchi mașcar tumende, cai sicaven tumenghe o drom andi buchi le Devleschi hai den tumen sfaturi. 13 Te cheren sea so daștin caște sicaven lenghe că sile zurales cuci anda tumende hai iubisaren-len anda le buchia cai cheren-len. Aven andi pacea iech averesa! 14 Sa cadea, phralale, phenas tumenghe te ortosaren codolen cai ci phiraven-pe pachivales, te den duma șucar codolența perade, te ajutin codolen covle hai te sicaven răbdarea caring savore. 16 Bucurin tumen sea o timpo! 17 Manghen tumen sea o timpo! 18 Anen mulțumiri anda orisavi buchi! Cadaia camel o Del tumendar, cai san ando phanglimos le Cristososa Isus. 19 Na mudaren i iag le spiritoschi! 20 Na prasan le profeții! 21 Roden mișto sea le buchia te dichen dacă sile ciace hai încăren zurales ca so si lașio! 23 Ca o Del la paceaco te sfințosarel tumen cu sea! Hai ca tumaro spirito, tumaro sufleto hai tumaro corpo phralale, te aven sasteveste ande orisavi buchi hai așen nedoșale ando timpo la prezențaco amare Raieschi Isus Cristos.