Iacov
1 O Iacov, o sclavo le Devlesco hai le Raiesco Isus Cristos, caring le 12 triburi cai sile hulade peste sea: Te train! 2 Mânre phrala, dichen sar iech bari bucuria cana nachen prin mai but feluri zumaimata, 3 anda codoia că jianen că tumaro pachiamos cai silo zumado cadea, cherel tumen te așen zurale. 4 Tha mechen ca o zuralimos cai încărel tumen ande pânrende te cherel cu sea peschi buchi, caște aven cadea sar trebul hai sasteveste ande sea, hai te na lipsol tumenghe chanci. 5 Cadea că, cana varecas mașcar tumende nai-les goghiaverimos, te manghel-les sea o timpo le Devlestar, anda codoia că vo del fiesavesche anda sasto ilo hai bi te doșarel-les, hai va avela lesche dino. 6 Te manghel mai dur pherdo pachiamos, bi te avel-les îndoieli, anda codoia că codo cas siles îndoieli si sar o valo la mareaco phirado catar i barval hai șiudino ocothar ocothe. 7 Cadea că, codo manuș te na ajucărel-pe te primil vareso catar o Iehova; 12 Fericime si o manuș cai ci mechel-pe ando pharimos, că pala so va avela mișto dichlo le Devlestar, va avela lesche dini i coroana la viațachi cai o Iehova phendea că va dela-la codolenghe cai iubin-les. 13 Chonic, cana silo zumado, te na phenel: „Som zumado le Devlestar”. Că o Del ci daștil te avel zumado buchianța nasul hai vo ci zumavel chanicas. 14 Tha fiesavo silo zumado, țârdino hai athado pesche camnimastar. 15 Pala codoia o camnimos, cana del rodo, cherel o bezăh, hai o bezăh, iechdata cărdo, anel o merimos. 17 Orisavi buchi lași hai orisavo daro perfecto si de opral, hai avel tele catar amaro Dad la luminaco anda o cerii, cai ci paruvel-pe hai ci risarel-pe sar i ucial. 19 Te jianen cadaia, mânre cuci phrala: Orisavo manuș trebul te avel gata te așunel, te na sighiarel te del duma, te na holiarel-pe sigo, 20 anda codoia că i holi le manușeschi ci cherel o ortomos le Devlesco. 21 Anda codoia, duriaren tumendar orisavo melalimos hai orisavo nasulimos hai pherde lașimos mechen te avel șiuto ande tumende o cuvânto cai daștil te hastravel tumen. 22 Cheren so phenel o cuvânto le Devlesco, na numai așunen-les, hai na diliaren tumen corcore iecha gândireasa hohamni. 23 Că dacă varecon numai așunel o cuvânto hai ci cherel so phenel vo, si sar iech manuș cai dichel pesco mui andi oglinda. 24 Vo dichel-pe, pala codoia tiliarel hai bâstrăl sigo so felo manuș silo. 25 Tha codo cai rodel te dichel mișto andi ciaci legea cai eliberil-les hai încărel-pe latar, ci arăslea iech manuș cai bâstrăl so așundea, tha iech manuș cai cherel i buchi cai așundea-la; hai vo va avela fericime cana cherel-la. 26 Dacă varecon pachial că anel închinarea le Devlesche, tha ci încărel parpale peschi șib, athavel pesco ilo hai leschi închinarea si de ivea. 27 I închinarea uji hai sfânto andel iacha amare Devlesche hai Dadesche si cadaia: te les sama pe codola cai nai-le dada hai pe le phivlea ande lengo pharimos hai te na meches-tu meliardo catar i lumea.