Ieremia

5 Ita so phenel o Iehova: „Dino armaia si o manuș cai șiol pesco pachiamos andel manușa, cai pachial-pe ando zuralimos le manușesco hai savesco ilo duriarel-pe le Iehovastar. 7 But miștimata si le manușes cai pachial-pe ando Iehova, cai șiol pesco pachiamos ando Iehova. 8 Vo va arăsăla sar iech cașt șiuto pașa paia, cai zinghiarel pesche rădăcini caring o than cai thabdel o pai. Ci va dichela cana va avela o tachimos, anda codoia că sea o timpo va avela sea o timpo pherdo patrina. Ando bărș șuco ci va darala hai ci va așevela-pe te del rodo. 9 O ilo athavel mai but sar oriso hai ci del-pe parpale chancestar. Con daștil te prinjianel-les? 10 Me, o Iehova, rodav ando ilo, dichav le mai garade gânduri, caște dav fiesaves pala lesco phiraimos, pala so cherel vo.