Tit
1 O Pavel, o sclavo le Devlesco hai o apostolo le Isus Cristososco, pala o pachiamos codolengo alosarde le Devlesche hai pala o prinjianimos exacto le ciacimasco, cai si cadea sar sicavel i devoțiunea sfânto 2 hai bazol-pe pi speranța la viațachi veșnico savi o Del, cai ci daștil te hohavel, promitisardea-la bute timpoia mai anglal. 5 Mechlem tut andi Creta caște lașiares so na-i mișto hai te șios phuren ande fiesavo foro pala sar phendem tuche: 6 Iech phuro trebul te na avel doșardo chancestar, te avel-les iech corcori rromni, lesche șiave te slujin le Devlesche, te na aven doșarde anda buchia nasul hai te na vazden-pe contra averenghe. 7 Sar manuș cai cherel buchi anda o Del, iech phuro trebul te na avel doșardo chancestar, te na avel șăralo, te na astarel-pe sigo holiatar, nici machiardo, nici iech cai marel-pe, nici te na camel te cherel love hohaimasa. 8 Vo trebul te primil anda ilo averen peste chăre, te iubil o lașimos, te gândil mișto, te avel orta, loialo, hai te jianel te încărel-pe parpale 9 hai te lel-pe mișto pala o cuvânto demno pachiamasco cana sicavel averen șucar, caște daștil te zuriarel prin o sicaimos sastevesto hai te ortosarel codolen cai den duma contra cado sicaimos.