Matei

26 Ando timpo so hanas, o Isus lea iech manro, hai pala so phendea iech rugăciunea phaglea-les dea-les pesche discipolenghe, hai phendea: „Len, han! Cadava reprezentil mânro corpo”. 27 Pala codoia, lea iech paharo andea mulțumiri dea-les lenghe, hai phendea: „Pien savore anda leste, 28 căci cado reprezentil mânro rat, «o rat le legământosco», cai trebul te avel șiordo ando miștimos le butengo caște aven iertime le bezăha. 36 Atunci o Isus arăslea pesche discipolența ando than cai bușiolas Ghetsimani hai phendea lenghe: „Beșen cade tele ji cana jiav code te mangav-ma”. 39 Pala codoia, gălea iech țâra mai dur, pelea la fațaia ca phuv hai manglea-pe: „Dade, dacă daștil-pe, te nachel mandar cado tahtai! Tha na sar camav me, sar cames tu”. 40 Pala codoia risailo ca le discipoli hai arachlea-le că sovenas; hai phendea le Petrosche : „Ci daisarde te așen uștiade manța barem iech ceaso? 41 Așen uștiade hai manghen tumen sea o timpo, caște na peren ando zumaimos! O spirito camel, tha o mas silo covlo” 53 Pachias că ci daștiv te mangav mânre Dades te bișialel manghe acana mai but sar 12 legiuni îngeri? 56 Tha sea cadala întâmplosarde-pe caște pherel-pe so scriisarde le profeți”. Atunci sea le discipoli mechle-les hai nașle.