Ioan

15 Pala so hale, o Isus pușlea le Simon Petros: „Simon, șiav le Ioanosco, iubis-ma mai but sar cadalen?”. Vo phendea lesche: „Da, Raia, jianes că san manghe zurales cuci”. Vo phendea lesche: „Le sama pe mânre bacriorre!”. 16 Hai pușlea-les încă iech data, i duito data: „Simon, o șiav le loanosco, iubis-man?”. Vo phendea lesche parpale: „Da Raia, jianes că iubisarav-tu”. Atunci o Isus phendea lesche: Le sama pe mânre bacrorea!”. 17 Hai pușlea-les i trinto-var: „Simon, o șiavo le Ioanosco, iubis man?”. O Petru holiardea-pe că pușlea-les i trinto-var: „Iubis man?” hai phendea lesche: „Raia, tu prinjianes sea le buchia. Jianes că iubiv tut”. O Isus phenea lesche: „Le sama mânre bacriorrendar! 20 O Petru risardea-pe hai dichlea că mai palal lendar avelas o discipolo saves iubilas-les o Isus, codo cai cana samas ca i meseli șiutea pesco șăro pe lesco colin hai pușlea-les: „Raia, con si codo cai bichinel tut?”. 24 Cado si o discipolo cai del duma anda cadal buchia hai cai scrisardea cadal buchia, hai amen jianas că so phendea vo si ciaces. 25 Tha, mai si vi aver but buchia save cărdea-le o Isus, cai dacă vroiechdata avelas scriime sea anda lende, pachiav că i lumea ci arăsălas anda sea le suluri.