1 Petru
3 Arăsăl chichi timpo cărdean so camle le națiuni, cana sas tumen iech phiraimos lajiavuno, bi te încăren tumen parpale catar so camlean, andel machiarimata, andel chefuri, andel pimata hai andel buchia idolatro jiungale. 4 Anda codoia că ci mai nașen lența pe sa codo drom melalo le bilajiavimasco, sile holiarde hai prasan tumen. 7 Tha o sfârșito sea le buchiango pașilo. Anda codoia, te avel tumen iech goghi sastevesti hai te aven uștiade ande soste priveal o manglimos! 8 Mai opral sar oriso, te avel tumen iech iubirea zurales bari iech caring aver, că i iubirea pachiarel but păcatea. 10 Cadea sar fiesavo primisardea iech daro, folosin-les, hai slujin iech averesche sar lașe administratori le lașimasche nemeritime le Devlesco, sicado ande mai but feluri. 14 Dacă san prasane anda o anav le Cristososco, san fericime, pentru că o spirito la gloriaco, da, o spirito le Devlesco, odihnil-pe pa-l tumende. 19 Cadea că, codola cai sile duchade anda codoia că cheren i voia le Devleschi, te mechen-pe andel vasta le Creatoroschi fidelo, ando timpo so cheren so si mișto.