Revelația

2 Scriisar le îngerosche anda i congregația anda Efes: Ita so phenel codo cai încărel le efta cerhaia ande pesco vast ciacio hai codo cai phirel mașcar le efta lampadarea sumnacune: 2 «Jianav so cărdean, chi phari buchi hai că ci mechlean-tu. Jianav că ci meches pașa tute le manușen nasul hai că șiutean tela o zumaimos codolen cai phenen că sile apostoli, tha ci sile, hai dichlean că sile hohamne. 3 Mai but, sicaves că ci meches tut, nachlean prin but buchia anda o drago mânre anavesco hai ci chinilean. 4 Tha ita so si man contra tuche: hasardean i iubirea cai sas tut mai anglal. 7 Cas siles cana te așunel so phenel o spirito caring le congregații: Codoles cai biruil va avela te mechav-les te hal anda o cașt la viațaco, cai silo ando paradiso le Devlesco». 10 Na dara catar le phare buchia prin save va avela te naches. Ita că o Beng va șiudela mai dur chichivan anda tumende ando phandaimos caște aven șiute co zumaimos cu sea hai va avela tumen iech pharimos anda deș ghiesa. Sicav că san pherdo pachiamos ji co merimos hai va avela te dav tut i coroana la viațachi. 20 Tha dich so ci ciaol man tute: Meches te cherel so camel codola jiuvlea, la Izabela, cai phenel că si profetesa, cai sicavel hai diliarel mânre manușen hai îngărel-len te cheren melale buchia sexualo hai te han so si dino le hohamne devlenghe. 21 Dem lache timpo te risarel-pe catar pesco phiraimos nasul, tha voi ci camlea te paruvel-pe hai te mechel palal pesche melale buchia sexualo. 24 Tha tumenghe, sea le coaverenghe anda Tiatira, cai ci len tumen pala cado sicaimos hai ci prinjiandean le buchia cai phenel-pe lenghe „le buchia profundo le Satanosche”, phenav tumenghe: Ci șioav pe tumende iech aver pharimos. 25 Cu sea cadala, încăren zurales ca so si tumen, ji cana avav me.