Evrei

11 O pachiamos si o ajucărimos siguro le buchiango sperime, o sicaimos claro le buchianghe ciace cu sea că ci dichion-pe. 4 Prin pachiamos, o Abel dea le Devlesche iech jertfa mai cuci sar o Cain hai prin cado pachiamos primisardea i dovada că sas orta, anda codoia că o Del primisardea lesche daruri. Hai, chiar dacă mulea, vo del duma vi acana prin pesco pachiamos. 5 Prin pachiamos, o Enoh sas îngărdo caște na dichel o merimos hai ci sas-lo arachlo chanicai, anda codoia că o Del îngărdea-les. Anglal te avel îngărdo, vo primisardea i dovada că sas-lo plăcuto le Devlesche. 6 Cadea că, bi pachiamasco na-i sar te avas plăcuto le Devlesche, anda codoia că con pașiol le Devlestar trebul te pachial că vo existil hai că vo cărdiol o pochinitorii codolengo cai roden-les anda sea o ilo. 7 „Prin pachiamos, o Noe, pala soste o Del phendea lesche le buchia cai încă ci dichionas-pe, sicadea iech dar sfânto hai vazdea iech arca anda i salvarea lesca familiachi. Prin cado pachiamos, vo condamnisardea i lumea hai cărdilo o moștenitorii le ortomasco cai avel prin o pachiamos.” 8 Prin pachiamos, o Avraam, cana sas-lo achardo, ascultisardea hai tiliardea caring o than cai avelas te primil-les sar moștenirea. Tiliardea, chiar cana ci jianelas cai jial. 15 Cu sea cadala, dacă avelas te gândil-pe sea o timpo ca o than ande savo tiliardea, avelas te arachel iech ocazia te jial parpale. 16 Tha acana, von ajucăren zurales iech than mai lașio, iech than cai încărel catar o cerii. Anda codoia, le Devlesche na-i lesche lajiav lența, te avel achardo lengo Del, că vo cărdea anda lende iech foro. 24 Prin pachiamos, o Moise, cana barilea, ci camlea te avel prinjiando sar o șiavo la șeiaco le faraonoschi, 25 tha alosardea te avel prasado le poporosa le Devlesco ando than te bucuril-pe catar i plăcerea le păcatoschi cai nachel, 26 Anda codoia că vo dichlea o prasamos le Cristososco sar iech barvalimos mai baro sar le comori le Egiptosche, anda codoia că dichlea angle caring o pochinimos. 27 Prin pachimos, vo mechlea o Egipto, bi te daral catar i holi le regeschi, hai așilea zuralo, sar cana dichlea Codoles cai ci dichiol-pe. 32 Hai so te mai phenav? Că ci va arăsăla manghe o timpo te dav duma vi anda o Ghedeon, o Barac, o Samson, o Iefta, o David hai vi anda o Samuel hai le coaver profeți. 33 Prin pachiamos von marde regatea, cărde o ortomos, primisarde promisiuni, phandade o mui le leiengo, 34 mudarde i zurali iag, scăpisarde catar o șinimos la sabiaco, anda covle sas-le cărde zurale, cărdile tromane ando marimos, nașade le armate cai avile contra lende 35 Chichiva jiuvlea primisarde penghe mule prin jiuvindimos, tha aver manușa sas-le chinuime anda codoia că ci camle o hastramos prin vroiech răscumpărarea, caște primin iech jiuvindimos mai lașio.