Isaia

2 Sostar den love anda vareso cai ci si manro hai sostar șion tumare love cai cărde-le phares anda vareso cai ci ciailiarel? Așunen-ma atento hai han so si lașio, hai va avela te bucurin tumen catar but haben. 4 Ita! Cărdem-les martoro andal națiuni, conducătorii hai comandanto andal națiuni. 6 Roden le Iehovas chichi timpo daștil te avel arachlo! Acharen-les chichi timpo silo pașă! 7 O manuș nasul te mechel-pe pesca rigatar hai con cherel nasulimos pesche gândurendar. Te jial parpale le Iehovaste, savo va sicavela lesche mila, amare Devleste, că vo va iertila anda sasto ilo. 8 „Că mânre gânduri ci si tumare gânduri hai mânre droma ci si tumare droma”, phenel o Iehova. 9 „Cadea sar le ceruri sile mai uce sar i phuv, cadea si vi mânre droma de uce catar tumare droma hai mânre gânduri catar tumare gânduri. 10 Cadea sar o brâșând hai o iv peren anda o cerii hai ci mai jian parpale ji cana ci ciailearen i phuv hai ji cai ci cheren-la te del rodo hai te lulugiol, caște del sămânța codoles cai șiol-la andi phuv hai manro codoles cai hal, 11 sa cadea va avela vi mânri duma, cai înclel anda mânro mui. Ci va avela parpale mande bi te cherel so phenav, tha va cherela ciaces sea so ciaiol man hai va reușila andi buchi anda savi bișaldem-la.