Efeseni
6 Șiavale, așunen tumare dadendar hai deiandar ando phanglimos le Raieia, anda codoia că cadea si orta. 2 „Te des pachiv che dadesche hai chia deiache” cai si i dintuni porunca cai anel vi iech promisiunea: 3 „Caște jial tuche mișto hai te trais but timpo pi phuv”. 4 Tha tumen, dadale, na holiaren tumare șiaven, tha bariaren-len cadea sar camel o Iehova pala lesco sicaimos. 11 Len pe tumende sea i armura cai avel catar o Del caște daștin te așen zurale contra le athaimata le Benghesche; 12 Anda codoia că trebul te maras-ame na contra o rat hai o mas, tha contra le guvernări, contra le autorități, contra codola cai conducin pe sea i phuv cado întunerico, contra le zuralimata spiritualo nasul andal thana cerisco. 13 Anda codoia, len i armura completo le Devlestar caște jianen te aven zurale ande codo jiungalo ghies hai, pala so cărdean sea so trebul, te așen zurale pe tumaro than. 14 Cadea că, așen zurale, i haravli le ciacimaschi te avel pe tumaro mașcar, te aven hureade andi platoșa le ortomaschi 15 hai ande tumare pânre te avel i bari dorința caște predichin i vestea lași la paceachi. 16 Mașcar sea cadala, „Len o baro scuto le pachiamasco,” saveia va mudarena sea-l săgeți astarde codolesche nasul. 17 Sa cadea, len o coifo cai salvil hai i sabia le spiritoschi, cai si o cuvânto le Devlesco, 19 Manghen tumen vi anda mande ca, atunci cana pâtrav mânro mui, te aven manghe dine lașe dumes caște daștiv te dav duma pherdo tromai hai te cherav prinjiando o secreto sfânto la vesteachi lași,