2 Corinteni

3 Tha darav că, cadea sar o sap sas cior hai athadea la Eva, vi tumari goghi daștil te avel athadi hai te na mai aven cadea de pachivale hai uje, sar trebulas, andel iacha le Cristososche. 14 Hai ci miril-ame, anda codoia că vi o Satan cherel-pe că si iech îngero la luminaco. 23 Sile von le slujitori le Cristososche? Dav duma parpale sar iech dilo: Me som vi mai but. Cărdem buchi mai but sar von, somas phandado mai butivar, somas mardo zurales but hai butivar sas te merav. 24 Panji-var primisardem catar le iudei 40 dumucha bi iechesco, 25 trin-var somas mardo ranianța, iechdata șiudinema barănța, trin-var suferisardem naufragio, iech riat hai iech ghies așilem ando pai la mareaco; 26 phirdem ande but thana, somas ando pericolo anda le lena, somas ando pericolo anda le ciora, ando pericolo anda mânro poporo, ando pericolo anda le națiuni, ando pericolo andel forurea, ando pericolo ando than șuco hai pi marea, ando pericolo mașcar le phrala neciace; 27 cărdem buchi phares hai somas chino, but ratia ci sutem, somas bochalo hai trușalo, butivar ci sas-ma haben sas manghe șil hai ci sas man hureaimos.