Psalmii
106 Așaren le Iehovas! Mulțumisaren le Iehovasche, că vo si lașio! Leschi iubirea loialo încărel anda sea o timpo. 7 Ando Egipto, amare phure ci dichle cuci le șucar buchia cai cărdean-len. Bâstărde chichi de bari si chi iubirea loialo, hai risarde tuche o dumo ca marea, ca Marea Loli. 8 Tha vo hastradea-len anda pesco cuci anav, caște cherel prinjiando pesco zuralimos. 9 Vo dea cingar la Mareache Loli, hai voi șuchilea; îngărdea-len prin laco mașcar sar prin iech șuco than; 13 Tha bâstărde sigo so cărdea vo; ci ajucărde te phenel lenghe vo so te cheren. 14 Ando șuco than cărde sea so camlea lengo ilo; șiute co zumaimos le Devles ando șuco than. 19 Von cărde iech guruv ando Horeb; dine cianga angla iech statuia anda metal. 20 Ando than te den manghe pachiv, von dine pachiv ca o chipo ieche guruvesco cai hal ciar. 21 Bâstărde le Devles, lengo Salvatorii cai cărdea bare buchia ando Egipto, 35 tha hamisarde-pe le manușența anda națiuni hai line-pe pala lende. 36 Slujisarde lenghe idolenghe hai cadala arăsle iech athaimos anda lende. 37 Andine penghe șiaven hai șeian sar jertfa le benghenghe.