Proverbe

4 Așunen, mânre șiave, o ortomos ieche dadesco hai len sama caște avel tumen hachiarimos, 7 O goghiaverimos si i mai bari buchi cai daștil te avel-tu; anda codoia de chi zor te chides goghiaverimos hai, pașa sea le buchia cai chides-le, chide vi hachiarimos. 10 Așun, mânro șiavo, hai primisar mânre cuvintea, hai le bărșa chia viațache va avena but. 11 Va avela te sicavav tut i rig le goghiaverimaschi hai va avela te îngărav tut pe le droma le ortomasche. 12 Cana va phireia, che pânre ci va așiavena-pe ande chanci, hai cana va nașeia, ci va avela te peres. 13 Încăr zurales i disciplinarea, na de lache drom. Le sama pe late, că voi si viața anda tute. 14 Na jia po drom codolengo nasul hai na phir po drom codolengo neorta. 15 Ferisar tut lestar, na phir pe leste; duriar tut lestar hai jia angle. 18 Tha o drom codolengo orta si sar i lumina cai strălucil de teharin, cai strălucil sea mai zurales ji co mașcar le ghiesesco. 23 Le sama che ilestar mai but sar oriso, că anda leste avel i viața. 24 Șiude tutar le dumes cioricane hai duriar tutar le dumes cai athaven. 25 Che iacha te dichen orta angle, da, chio dichimos te avel ortome angle. 26 Ortosar i rig cai așel angla chio pânro hai va avela te phires mișto pe chio drom.