2 Samuel

14 O David phendea sigo sea pesche manușenghe cai sas-le lesa ando Ierusalimo: „Vazden tumen hai aven te nașas, că niciech mașcar amende ci va așela jiuvindo anda o vast le Absalomosco! Sighiaren, ca na varesar te avel mai sigo hai te arăsăl amen de palal, te anel o bibahtalimos pe amende hai te mudarel la sabiasa sea o foro!”. 18 Sea lesche manușa cai tiliarde lesa, sea le cheretiți hai le peletiți hai sea le gatiți, 600 murșa cai găle pala leste anda Gat, nachenas angla o rege iech pala aver caște dichel-len atento. 21 Tha o Itai phendea parpale le regesche: „Jiuvindo si o Iehova hai jiuvindo si o rai hai mânro rege că oricai va jiala mânro rai hai rege code va avela vi chio slujitoro, ori caște trail ori caște merel!”. 27 O rege phendea caring o rașai Țadoc: „Ci san tu codo cai dichel? Risar tut parpale andi pacea ando foro hai le tusa tumare duie șiaven, o Ahimaaț, chio șiavo, hai o Ionatan, o șiavo le Abiatarosco. 28 Dichta, me va avela te ajucărav pașa le thana cai nachel-pe părdal le țâne paia anda o șuco than ji cana va avela te așunav vareso tumendar”. 29 Cadea, o Țadoc hai o Abiatar andine i Arca le ciace Devleschi parpale co Ierusalimo hai von așile code.