Psalmii
15 O, Iehova, con daștil te avel achardo ande chi țărha? Con daștil te beșel pe chio plain sfânto? 2 Codo cai phirel pachivales, cai cherel so si mișto hai phenel o ciacimos ande pesco ilo. 3 Vo ci phenel pesca șibasa hohaimata anda aver, ci cherel niciech nasulimos pesche pașardesche hai ci cherel lajiavestar pesche amalen. 4 Vo duriarel pestar codoles cai meritil te avel dichlo jungales, tha del pachiv codolenghe cai daran le Iehovastar. Vo ci uștarel peschi duma, chiar cana si ande lesco hasarimos. 5 Vo ci del love pe camimaste hai ci daștil te avel chindo lovența caște cherel nasul codolesche cai na-i doșalo. Con cherel cadal buchia ci va perela niciechdata.