2 Corinteni

5 Dacă varecon andea duch, na man duchadea man, tha pe iech rig tumen savoren – caște na lav tumen prea zurales prin so phenav. 6 Arăsăl cadale manușesche că but anda tumende ortosardean-les. 7 Acana trebulas mai mișto te iertisaren-les pherde lașimos hai te den duma șucar lesa, ca leschi bari duch te na phaghel lesco ilo. 8 Cadea că phenav tumenghe te sicaven lesche tumari iubirea. 9 Scriisardem tumenghe vi caște dichav dacă așunen ande sea le buchia. 10 So iertin tumen varecasche, iertiv vi me. Mai but, so iertisardem (dacă iertisardem vareso) sas anda tumaro drago, angla o Cristos, 11 caște na avas athade le Satanostar, că prinjianas mișto lesche planuri.