Galateni

6 Phralale, chiar cana iech manuș cherel iech paso greșime angla so te del peschi sama, tumen, cai san zurale spiritualo, roden te ortosaren ieche manușes sar cado ando spirito le lașimasco. Tha fiesavo mașcar tumende te lel sama vi pe peste, caște na aven zumade vi tumen. 2 Phiraven mai dur iech averesche pharimata, hai cadea va avena te pheren i legea le Cristososchi. 3 Că, cana varecon pachial că si vareso, cana na-i chanci, athavel-pe corcoro. 4 Fiesavo te dichel pesco phiraimos hai atunci va daisarela te bucuril-pe anda so cherel vo, na te comparil-pe averența. 5 Că fiesavo va phiravela pesco pharimos. 7 Na athaven tumen: O Del ci mechel-pe prasado! Anda codoia că, so șiol andi phuv o manuș, codoia va chidela! 8 Con șiol andi phuv anda o mas va chidela anda pesco mas o chernimos, tha con șiol andi phuv anda o spirito, va chidela anda spirito viața veșnico. 9 Te na mechas amen te cheras so si mișto, anda codoia că cana va avela o timpo va avela te chidas, dacă ci va avela te peras chinimastar. 10 Cadea că, ji cana daisaras, te cheras so si mișto caring sea-l manușa, tha mai but caring codola cai sile phangle amența ando pachiamos. 16 Opral savore cai phiren cadea sar trebul, pala cadai legea, te avel pacea hai îndurarea, da, opral o Israelo le Devlesco!