Psalmii
34 Va avela te așarav le Iehovas sea o timpo; lesco așarimos va avela sea o timpo pe mânre ușta. 2 Va avela te dav man baro le Iehovasa, codola loialo va așunena hai va bucurina-pe. 3 Așaren le Iehovas ande iech than manța; lesche anavesche te das pachiv ande iech than! 4 Pușlem le Iehovas, hai vo dea man răspunso. Vo hastradea man catar sea mânre daraimata. 5 Codola cai dichenas caring leste astarde te aven pherde bucuria; lenghe fețe ci daisarde te aven cărde lajiavestar. 7 O îngero le Iehovasco șiol peschi țărha pașa codola cai daran Lestar hai hastravel-le. 8 Len hai dichen so lașio si o Iehova! Fericime si o manuș cai garavel-pe leste. 10 Chiar vi le tărne hai zurale lei arăsăn te na avel-le so te han, tha codolenghe cai roden le Iehovas ci va lipsola lenghe chanci lașio. 11 Aven, mânre șiave hai așunen-ma! Va avela te sicavav tumen i dar le Iehovastar. 12 Savo mașcar tumende bucuril-pe catar iech viața fericime hai camelas te dichel but ghiesa lașe? 13 Atunci ferisar chi șib catar o nasulimos hai che ușta catar le dumes cai athaven. 14 Duriar-tu catar o nasulimos hai cher o lașimos. Rode i pacea hai de chi zor anda late. 15 Le iacha le Iehovasche sile opral codola orta, hai lesche cana așunen lenghi cingar anda o ajutorii. 16 Tha o Iehova risarel o dumo codolenghe cai cheren o nasulimos, caște chosel pa i phuv orisavi amintirea anda lende. 17 Codola orta dine cingar, hai o Iehova așundea; vo scăpisardea-le anda sea lenghe bare pharimata. 18 O Iehova silo pașa codola cai lengo ilo silo duchado; vo salvil codolen cai sile perade. 19 But si le pharimata codolesche orta, tha o Iehova hastravel-les anda sea cadala. 20 Vo lel seama pe sea lesche cocala, nici iech anda lende ci sas phagărde.