Psalmii

92 Si mișto te mulțumisaras le Iehovasche hai te ghilabas așarimata che anavesche, o, Codo O Mai Baro, 4 O, Iehova, le buchia cai cărdean-len ande manghe bucuria; dav cingar bucuriatar anda le buchia cărde che vastendar. 5 Chichi de bare si che buchia, o, Iehova! Chichi de bare si che gânduri! 12 Tha codola orta va lulughiona sar o palmiero hai va bariona sar o cedro anda Libano. 13 Von sile șiute andi phuv ando chăr le Iehovasco, lulughion ande amare Devlesche baria. 14 Chiar cana va phuriona va dena rodo vi mai dur; va așena zurale hai pherde viața 15 hai va phenena că o Iehova silo orta. Vo si mânri Stânca, ande savi na-i neortomos.