Iosua

13 hai, de iechdata so le rașaia cai îngăren i Arca le Iehovaschi, o Rai sea la phuveaco, va șiona penghe pânre andel paia le Iordanosche, le paia anda Iordano cai aven de opral ci va thabdena hai va așena po than sar iech zido. 14 Cadea că, cana le manușa astardea te jian dromeste anda lesche țărhea caște nachen o Iordano, le rașaia cai îngărenas i arca le legământoschi găle angla le manușa. 15 Cana le rașaia cai îngărenas i Arca arăsle co Iordano hai șiute o pânro ando pai, ca o malo (o Iordano thabdel părdal lesche maluri andel ghiesa le chidimasco), 16 le paia cai avenas de opral așile po than. Vazdine-pe sar iech zido zurales dur, co Adam, o foro de pașa o Țaretan, hai le paia cai thabdenas caring i Marea Arabico, i Marea londi, șuchile cu sea. Le paia așile po than , hai le manușa nachle părdal angla o Ierihono.