1 Petru
3 Sa cadea, rromniale, aven supuso tumare rromenghe, că dacă chichiva ci așunen catar o cuvânto, te arăsăn te pachian bi cuvântosco, prin o phiraimos lenghe rromniango, 2 anda codoia că von va dichena tumaro phiraimos ujo hai pherdo pachiv. 3 Tumaro șucarimos te na avel codo de avreal – le chuvde bala, o phireaimos le sumnacaiesco sau le cuci hureaimata – 4 tha te avel o manuș garado le ilesco, savesco șucarimos te avel sea o timpo iech spirito blândo hai liniștime, cai si zurales cuci andel iacha le Devlesche. 5 Anda codoia că cadea cherenas-pe șucar vi le jiuvlea sfânto andal puraimata, cai sperinas ando Del hai sas-le supuso penghe rromenghe, 6 cadea sar i Sara ascultilas le Avraamostar, hai phenelas lesche „rai”. Tumen san lache șeia cana cheren vi mai dur so si lașio hai ci mechen tumen astarde daratar. 7 Sa cadea, tumen, rromale, beșen mai dur tumare rromnianța pala o prinjianimos. Den-le pachiv sar ieche vasosche mai covlo, codo jiuvlicano, anda codoia că vi von moștenin tumența o baro lașimos nemeritime la viațaco, hai ca tumare rugăciuni te aven așunde. 8 Cadea că, savoren te avel tumen sa codoi gândirea, șion tumen ando than iech averesco, aven drago iech averesche sar phrala, sicaven mila hai umilința. 9 Cana varecon cherel tumenghe nasulimos na cheren lesche nasul parpale hai cana varecon acușel tumen, na acușen parpale. Mai mișto den-les iech binecuvântarea, că pe cado drom sanas acharde, caște avel tumenghe dini iech binecuvântarea. 11 Te duriarel-pe catar o nasulimos, hai te cherel so si mișto. Te rodel i pacea hai te phirel pala late. 12 Anda codoia că le Iehovasche iacha sile opral codola orta, hai lesche cana așunen lenghe zurale manglimata, tha i fața le Iehovaschi sili contra codolenghi cai cheren buchia jiungale”. 14 Hai, chiar cana va avena duchade anda o ortomos, va avena fericime. Cu sea cadala, te na daran catar so daran von, nici te na tulburin tumen! 15 Tha sfințon le Cristosos sar Rai ande tumaro ilo, hai aven sea o timpo gata te den duma angla oricaste manghel tumendar te phenen lesche sostar si tumen cadai speranța, hai cheren cadaia pherde blândețea hai iech bari pachiv. 18 Anda codoia că o Cristos mulea iech data anda sea o timpo anda păcatea, iech manuș orta anda codola neorta, caște îngărel tumen co Del. Vo sas-lo mudardo ando mas, tha sas cărdo jiuvindo ando spirito. 20 cai varecana ci așunenas, cana o Del ajucărelas pherdo răbdarea andel ghiesa le Noesche, ando timpo so sas vazdini i arca, ande savi țâra manușa, adică ohto jene, sas-le îngărde andi siguranța prin le paia. 21 O bolimos, cai si sar cadai buchi, salvil acana vi tumen (na prin o fapto că duriarel o melalimos le masesco, tha prin o manglimos cărdo le Devlesche anda iech conștiința uji) prin o jiuvindimos le Isus Cristososco.