Ieremia

7 Athadean man, o, Iehova, hai pelem ando athaimos! Folosisardean chio zuralimos contra manghe hai biruisardean man. Sea o ghies arăslem asaimasco angla le coaver; savore prasan man. 8 Anda codoia că oricana dav duma, trebul te dav cingar hai te phenav: „Marimos hai phagherimata!”. I duma le Iehovaschi cărdea le manușen te den duma manța jiungales hai te prasan man sea o ghies. 9 Anda codoia, phendem: „Ci va avela te mai phenav chanci anda Leste hai ci va mai avela te dav duma ande lesco anav”. Tha, ande mânro ilo, leschi duma arăslea sar iech bari iag, sar iech iag phandadi ande mânre cocala hai chinilem te mai încărav-la ande mande; ci mai daisardem te așiav anda o mui. 11 Tha o Iehova sas manța sar iech zuralo războinico. Anda codoia, codola cai așen manghe contra va perena hai ci va biruina. Va avena pachiarde catar iech baro lajiav, anda codoia că ci va biruina. Lenghi umilirea va avela veșnico; ci va avela bâstărdi niciechdata.