2 Cronici
6 Șiudea pesche șiaven andi iag, andi Valea le Șiaveschi le Hinomoschi, cărdea magia, drabardea hai cărdea vrăjitoria hai numisardea mediumuri hai prezicători. Cărdea but nasul andel iacha le Iehovasche, caște prasal-les. 10 O Iehova dea duma caring o Manase hai caring lesco poporo butivar, tha von ci așunde. 11 Anda codoia, o Iehova andea contra lenghe le comandanți andai armata le regeschi anda Asiria. Cadala astarde le Manases cârligența, phangle-les ande dui obezi anda harcum hai îngărde-les ando Babilono. 12 Tha, cana sas-lo ando pharimos, vo achardea le Iehovas, lesco Del, te dichel caring leste hai sicadea umilința angla o Del pesche phurengo. 13 Manglea-pe mai dur Lesche, hai Lesco ilo covlilea angla lesche manglimata, așundea lesco manglimos te dichel caring leste hai îngărdea-les parpale ando Ierusalimo hai dea parpale lesco raimos. Hai o Manase hachiardea că o Iehova si o ciacio Del. 15 Duriardea le devla străini hai o idolo anda o chăr le Iehovasco hai sea le altarea cai vazdea-le po plain le chăresco le Iehovasco hai ando Ierusalimo hai șiutea te aven șiudine avri anda o foro. 16 Sa cadea, pregătisardea o altaro le Iehovasco hai andea pe leste jertfe de comuniune hai jertfe anda mulțumirea hai phendea codolenghe anda Iuda te slujin le Iehovasche, o Del le Israelosco.