Eclesiasto

4 Hai ortosardem mânre iacha caring sea le buchia nasul cai cherenas-pe tela o cham. Dichlem le asfa codolenghe chinuime, tha ci sas chonic cai te zuriarel-le. O zuralimos sas ando vast codolengo cai cherenas nasul, anda codoia ci sas chonic cai te zuriarel-le. 6 Mai mișto iech vast pherdo odihna sar dui vasta pherde phari buchi hai cai nașen pala i barval. 9 Mai mișto dui sar iech, anda codoia că silen iech lașio pochinimos anda lenghi phari buchi. 10 Că, dacă iech perel, ocoaver daștil te ajutil-les te vazdel-pe. Tha so va avela codolesa cai perel hai na-i chonic caște ajutil-les te vazdel-pe? 12 Hai dacă varecon daștilas te biruil ieche corcore jenes, dui daștin te așen lesche contra. Hai i dori phangli ande trin ci șiniol sigo.