Luca

4 Cana terminisardea te del duma, vo phendea caring o Simon: „Jia cai si o pai mai baro hai șiuden le plase caște astaren mașe”. 5 Tha o Simon phendea lesche parpale: „Sicaitorina, amen cărdeam buchi sea i riat hai ci astardeam chanci, tha dacă tu phenes va avela te șiudav le plase andal mașe”. 6 Pala so cărde cadaia, astarde cadea de but mașe că lenghe plase astarde te pharaven-pe. 7 Atunci von cărde le vasteia caring le jene andai coaver barca te aven te ajutin-le. Codola avile hai pherde le dui bărci cadea de but că sas pașă te mechen-pe tele ando pai catar o pharimos. 8 Cana dichlea cadaia, o Simon Petru dea cianga angla o Isus, hai phendea : „Duriar-tu mandar, Raia, că som iech manuș păcătoso”. 9 Cana dichle so but mașe astarde, vo hai codola cai sas-le leia așile zurales uimime, 10 hai sa cadea vi o Iacov hai o Ioan, le șiave le Zebedeiasche, savența cherelas buchi o Simon. Tha o Isus phendea caring o Simon: „Na mai dara! De acanara va avela te astares manușen”. 12 Aver data, cana o Isus sas-lo ande iech foro, iech manuș pherdo lepra dichlea-les hai pelea sigo la fațaia ca i phuv, hai rughisardea-les anda sea o ilo: „Raia, dacă cames, daștis te ujares man”. 13 Atunci, vo zingiardea pesco vast, șiutea-les pe leste hai phendea: „Camav! Av ujardo!”. Hai pe thaneste i lepra nachlea pa leste. 16 Tha vo jialas butivar corcoro andel thana cai ci sas chonic caște manghel-pes. 31 O Isus phendea lenghe parpale: „Na codolen cai sile sasteveste sile nevoia doctorostar, tha codolen cai sile nasfale. 32 Ci avilem te acharav ca i căința codolen orta, tha codolen păcătoși.