Matei
3 Chichiva farisei avile pașa leste caște zumaven-les, hai pușle-les: „Si mechlo iech murșesche te mechel-pe catar peschi rromni anda orsavi buchi?” 4 Vo phendea lesche parpale: „Ci citisarden că codo cai cărdea-le co începuto, cărdea-le murș hai jiuvli 5 hai phendea: «Anda codoia va mechela o murș pesche dades hai pesca deia hai va așela pașa peschi rromni, hai le dui va avena iech corcoro mas»? 6 Cadea că, ci mai sile dui, tha iech corcoro mas. Anda codoia so șiutea o Del ande iech jugo o manuș te na șiniarel”. 9 Me phenav tumenghe că codo cai mechel-pe pesca rromniatar anda aver buchi sar i imoralitatea sexualo hai lel pesche aver rromni cherel-pe doșalo anda adultero”. 13 Atunci andine lesche chichiva șiavore caște șiol pesche vasta pe lende hai te rughil-pe anda lende, tha le discipoli hale-pe lența. 14 Tha o Isus phendea: „Mechen le șiavoren, ci așiaven-le te aven mande, că o Regato le cerurengo silo codolengo cai sile sar von!”. 15 Vo șiutea pesche vast pe lende, pala codoia tilardo de othar. 16 Hai ita că iech manuș pașilea lestar hai pușlea: „Sicaitorina, so buchi lași trebul te cherav caște avel man viața veșnico?”. 21 O Isus phendea lesche: „Cana cames te aves perfecto, jia hai bichin so si tut, de le love le ciorenghe, hai cadea va avela tu iech comoara ando ceri. Pala codoia av pala mande”. 27 Atunci o Petru phendea lesche: „Ita că amen mechleam sea hai avileam pala tute. Cadea că so va avela te primisaras?”.