Proverbe

5 Mânro șiavo, dich caring mânro goghiaverimos. Banghiar chio can caring mânro hachiarimos, 2 caște avel tut vi mai dur sa codo modo gândimasco hai o prinjianimos te avel pe che ușta. 3 Că le ușta la jiuvleache bilajiavuni șioren sar iech burnic avghin hai laco mui si mai alunecoso sar o uleio. 4 Tha ji la urmă voi si cărchi sar o pelino hai șinel sar iech sabia cai sila dui șinimata. 5 Lache pânre jian tele caring o merimos. Lache pași îngăren co Mormânto. 8 Beș dur latar hai te na pașios catar o udar lache chăresco, 9 caște na des chi pachiv averenghe hai te na aves duchado sea chi viața, 18 Chi haing te avel binecuvântime hai bucurisar-tu la rromniaia che tărnimaschi, 19 iech cerboaica iubime, șucar sar i buzniorri le veșeschi! Lache ciucia te machiaren-tu sea o timpo. Av sea o timpo astardo catar lachi iubirea!