Proverbe

3 Mânro șiav, na bâstăr so sicadem tut hai chio ilo te încărel mânre porunci, 3 Te na mechel tut i iubirea loialo hai i fidelitatea. Phande-len ca chi cor, scriisar-len pe chio ilo; 4 atunci va avela te primis favoarea hai va aveia prinjiando sar iech manuș cai silo goghiaver andel iacha le Devlesche hai le manușenghe. 5 Pachia tut ando Iehova anda chio sasto ilo hai na le tut pala chi goghi. 6 Încăr conto lestar ande sea che riga, hai vo va lașiarela che droma. 7 Na cher tut goghiaver ande che iacha. Sicav că daras le Iehovastar hai duriar tut le nasulimastar. 9 An pachiv le Iehovasche sea che cuci buchianța, le dintune buchianța cai del-le tuche i phuv. 12 anda codoia că o Iehova ortosarel codoles cai iubil-les, cadea sar cherel iech dad pesche șiavesa ande savo arachel peschi plăcerea. 13 Fericime si o manuș cai arachel o goghiaverimos hai o manuș cai chidel discernământo; 14 si mai mișto te avel tut goghiaverimos sar te avel tut rup hai anel tuche mai but miștimos sar o sumnacai. 15 Vo silo mai cuci sar le corali; chanci anda so daștias te cames tuche ci daștil te avel sar vo. 16 Ande lesco ciacio vast si but ghiesa, hai ande lesco stângo vast si barvalimata hai gloria. 17 Lesche droma sile șucar hai sea lesche riga sile pherde pacea. 18 Vo si iech cașt la viațaco anda codola cai astaren-les hai codola cai astaren-les zurales va phenela-pe lenghe că sile fericime. 21 Mânro șiav, te na hasares cadal buchia anda che iacha. Le sama po lașio goghiaverimos hai po modo sar gândis. 22 Von va dena tut viața hai va avena sar vareso șucar ca chi cor. 25 Na dara catar nici iech baro pharimos neajucărdo, nici catar iech bari barval cai avel pe codola cai sile nasul. 27 Cana așel ande chio zuralimos te ajutisares-len, na încăr tut parpale te cheres mișto codolenghe cai silen nevoia. 32 anda codoia că o Iehova ci mai daștil te dichel andel iacha codoles cai athavel averen, tha codo orta bucuril-pe catar iech amalimos chidino Lesa.