2 Cronici

12 O, amaro Del, ci va avela te anes i cris opral lende? Anda codoia că amen na-i amen zuralimos angla cadal but manușa cai aven contra amenghe hai ci jianas so te cheras, tha amare iacha sile ortosarde caring tute”. 13 Ande cado timpo, savore andai Iuda beșenas ande pânrănde angla o Iehova, ande iech than penghe rromnianța hai penghe șiavorrența, vi chiar codolența țâne. 15 Vo phendea lenghe: „Așunen, savore andai Iuda hai tumen, cai beșen ando Ierusalimo, hai tu, o rege Iosofat! Dichta so phenel tumenghe o Iehova: «Na daran hai te na mechen tumen astarde daratar că aven but manușa contra tumenghe, anda codoia că o marimos ci si tumaro, tha si le Devlesco. 17 De cadai data ci trebul te maren tumen. Așen pe tumare thana, așen liniștime, hai va dichena sar o Iehova salvil tumen! O, Iuda hai Ierusalim, na daran hai te na mechen tumen astarde daratar! Înclen tehara avri contra lenghe hai o Iehova va avela tumența! 20 De teharin von uștile hai găle avri caring o pustio Tecoa. Ando timpo so înclenas, o Iosafat beșlea angla lende hai phendea: „Așunen man, Iuda hai tumen, cai beșen ando Ierusalimo! Pachian tumen ando Iehova, tumaro Del, caște daștin te așen zurale! Pachian tumen ande lesche profeți hai va jiala tumenghe mișto!”.