Isaia

8 Cana sicadem mânri holi garadem mânro mui tutar iech țâra, tha va avela te sicavav tuche lașimos iecha iubireasa loialo cai așel anda sea o timpo”, phenel Codo cai chindea tut parpale, o Iehova. 10 Că le plaina daștin te durion hai le plaia daștin te mișchin-pe anda iech partea ande aver, tha mânri iubirea loialo ci va duriarela-pe tutar, nici mânro legământo andai pacea ci va mișchila-pe anda iech partea ande aver”, phenel o Iehova, Codo cai sicavel tuche îndurarea. 13 Sea che șiave va avena sicade le Iehovastar hai bari va avela i pacea che șiavenghi. 14 Va aveia zuriardi ando ortomos. Va aveia dur catar i asuprirea, ci va avela te daras chancestar hai ci va avela sostar te izdras, anda codoia că cadaia ci va pașiola tutar. 15 Dacă va atachila-tu choniva, ci va avela anda mânri porunca. Oricon va atachila-tu va avela te perel anda tute.” 17 Niciech arma vazdini contra tuche ci va daștila te cherel tuche chanci nasul hai va avela te doșares orisavi șib cai va vazdela-pe contra tuche. Cadaia si i moștenirea le manușenghi le Iehovasche, hai lengo ortomos avel mandar”, phenel o Iehova.