Psalmii
32 Fericime si codo saveschi doș sili iertime, savesco păcato silo pachiardo! 2 Fericime si o manuș cas o Iehova ci dichel-les doșalo, hai ande savo ci arachel-pe hohaimos. 3 Chichi timpo așilem anda o mui, mânre cocala șuchile, că rovlem ande mande sea o ghies. 4 Anda codoia că ghies hai riat chio vast sas-lo pharo opral mande. Mânro zuralimos șuchilea sar o pai ando tachimos anda milai. (Sela) 5 Ji la urmă, phendem tuche mânro păcato; ci pachiardem mânri doș. Phendem: „Va avela te phenav le Iehovasche mânre păcatea”. Hai tu iertisardean mânri doș hai mânre păcatea. 6 Anda codoia, codo loialo va avela te rughil-pe tute chichi timpo mai daștis te aves arachlo. Atunci nici chiar le bare paia ci va arăsăna-les. 7 Tu san iech than ande savo daștiv te garavav-ma, va avela te feris man catar o necazo. Va avela te vazdes chi vocea bucuriatar cana va avela te salvis-ma. 8 „Va avela te dav tut goghiaverimos hai va avela te sicavav tut o drom pe savo trebul te jias. Va avela te dav tut sfaturi ando timpo so mânre iacha va avena pe tute. 10 Codoles nasul siles but ducha, tha codo cai pachial-pe ando Iehova silo înconjurime catar leschi iubirea loialo.