Psalmii
144 Așardo te avel o Iehova, mânri Stânca, cai sicavel mânre vasta anda o marimos, mânre naia anda o războio! 2 Vo si mânri iubirea loialo hai mânro zuralimos, mânro garaimos siguro hai Codo cai eliberil man, mânro scuto hai Codo caste arachlem iech than te garavav man, Codo cai cherel ca le popoarea te aven manghe supuso. 3 O, Iehova, so si o șiav le manușesco, caște șios che iacha pe leste, o șiav le manușesco cai merel, caște diches caring leste? 11 De man drom hai salvisar man anda le vasta le străinenghe, cai încalaven hohaimata anda pengo mui hai cai vazden opre pengo ciacio vast caște solaharen banghes. 12 Amare șiave va avena sar le țâne plantea cai barion sigo, amare șeia, sar le șucar stâlpi cai sile andel colțuri le palatosche. 13 Amare depozitea va avena pherde habenesa anda sea le feluri; pe amare phuvea va avena mii hai deș mii bacrea. 14 Ci va întâmplola-pe chanci nasul amare guruvneanghe cai așen phare, von ci va avena te hasaren le țâne guruves anda pengo păr; andel piețe cai si but manușa chonic ci va dela cingar duchatar. 15 Fericime si o poporo casche jial cadea! Fericime si o poporo casco Del si o Iehova!