Numerea

2 Sea le israeliți astarde te den duma nasul contra o Moise hai o Aaron hai sea i adunarea delas duma contra lenghe hai phenelas: „Mai mișto avileas te meras ando them le Egiptosco sau te muleamas ande cado pustio! 8 Dacă o Iehova dichel amen lașe iachența, vo va îngărela amen ciaces ande cado them, iech them cai thabdel thud hai avghin, hai va dela-les amenghe. 10 Tha sea le manușa phenenas te mudarel-len barența. Tha, i pachiv le Iehovaschi sicadea-pe angla sea o poporo le Israelosco opral i țărha andai întâlnirea. 11 Pala codoia o Iehova phendea le Moisesche: „Ji cana va prasala man cado poporo? Ji cana ci va pachiana ande mande, chiar cana cărdem miracolea mașcar lende? 24 Tha, mânro slujitoro o Caleb, anda codoia că sas-les aver spirito hai phirdea pe mânro drom anda sea o ilo, va avela te îngărav-les ando them ande savo gălea, hai lesche șiave va raina opral leste. 33 Hai tumare șiave va avena păstori ando șuco than 40 bărșa hai va trebuna te pochinen anda le buchia bipachiamasche cai cărdean-len tumen ji cana o palutno mașcar tumende va perela mulo ando șuco than.