Psalmii

36 O nasulimos del duma andre ando ilo le manușesco nasul; ande lesche iacha ci dichel-pe i dar le Devlestar. 2 Vo si cadea de lașio ande pesche iacha, că ci dichel pesco nasulimos hai ci urâl-les. 3 Lesche dumes sile nasul hai athaven. Les ci siles goghiaverimos caște cherel so si mișto. 4 Vi cana silo ando pato, gândil-pe sar te cherel buchia nasul. Ci silo pe iech drom lașio hai ci duriarel pestar o nasulimos. 5 O, Iehova, chi iubirea loialo arăsăl ji ca le ceruri, hai chi fidelitatea, ji ca le nori! 6 Chio ortomos si sar le bare plaina hai che hotărâri judecătorești sile sar le paia bare hai adânco. O, Iehova, tu încăres andi viața le manușen hai le animalea! 7 Chichi de cuci si chi iubirea loialo, o, Devla! Ca i ucial che phachenghi garaven-pe le șiave le manușenghe. 9 Că tute si i haing la viațachi, prin chi lumina dichas i lumina. 10 Sicav mai dur iubirea loialo codolenghe cai prinjianen tut hai ortomos codolenghe cai sile o ilo orta!