Psalmii

5 Șiutean i phuv pe lache temelii hai voi ci va mișchila-pe po timpo nedefinime, da, niciechdata. 12 Pașa le paia cheren penghe cuibo le ciriclea le cerosche; von ghilaban mașcar le but patrina. 13 Tu chindiares le plaina anda che thana de opral. I phuv cialiol le buchianța cai del-le che vasta. 14 Tu cheres te bariol i ciar andal guruvnea hai zelenimata ando miștimos le manușengo, ca i phuv te del haben: 15 mol, cai cherel voime o ilo le manușesco, uleio, cai cherel șucar o mui, hai manro, cai zuriarel o ilo le manușesco. 24 Chichi de but si le buchia cai cărdean-le, o, Iehova! Sea cărdean-le goghiaverimaia. I phuv si pherdi le buchianța cai cărdean-le! 25 I marea sili zurales bari hai buhli! Ande late si cadea de but jiuvindimata țâne hai bare, că ci daștin te aven înghinde. 33 Va avela te ghilabav le Iehovasche sea mânri viața, va avela te ghilabav așarimata mânre Devlesche chichi timpo traisarav.